Për një kohë të gjatë ne kemi dëgjuar se kompania Apple është duke u përgatitur për versionin e ri të iMac, ndërsa edhe njëherë sipas DigiTimes thuhet se Apple është duke i testuar disa panelë me ekran të ndjeshëm në prekje, për modelin e saj më të ri të iMac.

Sipas asaj që thuhet në DigiTimes, Sinek Photronics është duke e furnizuar kompaninë Apple me panelë të ekraneve të ndjeshëm në prekje, fillimisht vetëm për testimin e tyre, ndërsa prodhuesi i pajisjeve të famshme si iPhone, iPad dhe iPod, është duke e konsideruar seriozisht prodhimin e kompjuterëve shtëpiak të cilët do të kenë ekran të tillë.

Pavarësisht faktit se për këto plane të Apple është folur një kohë të gjatë, duhet ditur se për ta blerë një model të tillë duhet të presim edhe për një kohë të gjatë.