Windows Phone 7 lancohet me 11 tetor

Kohën e fundit, shumë konfuzion është krijuar lidhur me datën e lancimit të sistemit më të ri operativ të dedikuar për telefonat mobil të kompanisë Microsoft, përkatësisht sistemit operativ Windows Phone 7.

Sipas mediave botërore të cilat raportojnë për teknologji thuhet se Microsoft do të organizojë një ngjarje të veçantë të hënën e ardhshme, më 11 tetor, në të cilën pritet që kompania të lansojë sistemin e ri operativ për telefona mobil, Windows Phone 7.

Ndërkaq, thuhet se Microsoft do të fillojë shitjen e telefonave mobil me këtë sistem operativ, prej 8 nëntorit të këtij viti.

Ngjarja do të jetë një lansim global i sistemit operativ, ndërsa në ngjarjen e paralajmëruar për të hënën e ardhshme gjithashtu pritet që operatori mobil T-Mobile të bëjë prezantimin e disa telefonave të mençur të cilët do të bazohen në këtë sistem operativ.